Glorious Nellai

 கடந்த ஒன்றரை மாதங்களாக நெல்லையை வாட்டி வதைத்து வந்த கடும் வெயில் விடைபெற ஆரம்பித்துள்ளது. மலையாளக்ரையில் மழை: கேரளாவில் இன்று முதல் தென்மேற்குப் பருவமழை துவங்குகிறது. இதனால் நெல்லை,  குமரி மேற்குதொடர்ச்சி மலைப்பகுதிகளில் மழை பெய்யும் என வானிலை மையமும் அறிவித்துள்ளது. இதனால், இனி வரும் நாட்களில் நெல்லையில் வெயிலின் தாக்கம் படிப்படியாக குறையும் என எதிர்பார்க்கப்படுகிறது. விரைவில் சீசன்: கேரளாவில் பருவமழை இந்த ஆண்டு அதிக அளவில் இருக்கும் என வானிலை மையம் தெரிவித்துள்ளதால் குற்றால சீசனும் அமோகமாக இருக்கும். அருவிகளில் குளிக்க வாய்ப்பில்லாமல் போனாலும் நெல்லை மாவட்டத்தின் வானிலை குளிர்ந்தே இருக்கப் போகிறது.

நாளை முதல் தமிழ்நாட்டில் ஊரடங்கு தளர்வை அமல்படுத்த தமிழ்நாடு அரசு முடிவு செய்துள்ளது. அதற்கான அரசாணையும் வெளிடப்பட்டுள்ளது. அதில் தமிழ்நாடு எட்டு மண்டலங்களாக பிரிக்கப்பட்டுள்ளது. 6வது மண்டலத்தில் நெல்லை: தமிழ்நாடு அரசு வெளியிட்டுள்ள மண்டலங்களின் பட்டியலில் நம் நெல்லை ஆறாவது மண்டலமாக இடம்பெற்றுள்ளது. நெல்லை மண்டலத்தில் தூத்துக்குடி, தென்காசி, கன்னியாகுமரி என நான்கு மாவட்டங்கள் வருகின்னறன. எவையெல்லாம் அனுமதி: • நெல்லை மண்டலத்தில் உள்ள 4 மாவட்டங்களுக்குள் பயணிக்க இ-பாஸ் தேவையில்லை. • 50% பேருந்துகளும் இயக்கப்படும். • ஏசி வசதி இன்றி பெரிய கடைகள் செயல்பட அனுமதி. • 8ம் தேதி முதல் வழிபாட்டு தலங்களும் திறக்கப்படும் என எதிர்பார்க்கப்படுகிறது..

நெல்லை பாபநாசம் முண்டந்துறையில் தாமிரபரணி ஆற்றின் குறுக்கே கட்டப்பட்ட புதிய பாலம் திறக்கப்பட்டிருக்கிறது. இதனால் கடந்த 28 ஆண்டுகளாக தற்காலிக இரும்பு பாலத்தில் நடந்து வந்த போக்குவரத்து தற்போது புதிய பாலத்திற்கு மாறியிருக்கிறது. சுருட்டியெறிந்த பெருவெள்ளம்: 1993 ம் ஆண்டு நெல்லை மாவட்டத்தில் பேயாக கொட்டித் தீர்த்த புயல் மழையில் பாபநாசம் அணை நிரம்பி வழிந்தது. அணை உடைவதை தடுக்க ஒரே நேரத்தில் ஆற்றில் 2லட்சம் கனஅடி தண்ணீர் திறந்துவிடப்பட்டது. அந்த வெள்ளத்தில் முண்டந்துறை பாலம் சுக்குநூறாகி ஆற்றில் அடித்துச் செல்லப்பட்டது. அதன்பின்னர், ராணுவத்தின் உதவியுடன் அமைக்கப்பட்ட தற்காலிக பாலத்தில் இதுநாள் வரையில் போக்குவரத்து நடந்து வந்தது. பிறந்தது புதுப்பாலம்: இந்நிலையில் அங்கு புதிய பாலம் கட்டும் பணிகள் பல ஆண்டுகளாக நடைபெற்று வந்தது. தற்போது, அது நிறைவடைந்து முதல்வரால் பாலம் எளிமையாக திறந்து வைக்கப்பட்டுள்ளது. புதிய பாலம் எந்த பெருவெள்ளத்தையும் தாங்கும் வகையில் மிகவும் உயரமாக அமைக்கப்பட்டுள்ளது.

கொரோனாவிற்கு அடுத்து இந்தியாவின் புதிய விருந்தாளியாக வந்து இறங்கியிருக்கிறது வெட்டுக்கிளிகளின் படை. தமிழகத்திற்கு வெட்டுக்கிளிகள் வர வாய்ப்புகள் குறைவு என அரசு கூறுகிறது. ஆனால், வரலாற்றில் தமிழகத்திற்கு வெட்டுக்கிளிகள் படையெடுத்து வந்த நிகழ்வு பதிவாகியிருக்கிறது. ஆதாரத்துடன் கூறும் மதுரை எம்.பி: 17 ம் நூற்றாண்டில் (அதாவது 1600 களில்) வடக்கிலிருந்து வெட்டுக்கிளிகள் சாரை சாரையாக மதுரைக்கு வந்திருக்கின்றன.  சோள கதிர் அளவுள்ள அந்த வெட்டுக்கிளிகள் மதுரையின் விவசாய நிலங்களை பாழ்படுத்தியுள்ளன. பின்னர், அந்த படை தெற்கே நெல்லையை நோக்கி சென்றது என மதுரை எம்.பியும் தமிழின் முன்னணி எழுத்தாளருமான சு. வெங்கடேசன் தனது காவல் கோட்டம் நாவலில் பதிவு செய்திருக்கிறார். மேலும் அது இலங்கை வரை சென்றிருக்கலாம் எனவும் அவர் கூறுகிறார். பாதிப்பு அகோரம்: வெட்டுக்கிளிகள் நடத்திய அந்த படையெடுப்பால் ஏராளமான பயிர்கள் நாசமாதோடு பஞ்சமும் பசியும் தலைவிரித்து ஆடியதாகவும் சாகித்ய அகாடமி பரிசு பெற்ற அந்நாவலில் சு. வெங்கடேசன் பதிவு செய்துள்ளார்.

உலகையே ஆட்டிப் படைத்துக் கொண்டிருக்கிறது இந்த கொரோனா கொடு நோய். வல்லரசு நாடுகள் முதல் வளரும் நாடுகள் வரை இந்நோயின் பிடியில் சிக்கித் தவிக்கின்றன. இந்தியாவிலும் இந்த நோயின் தாக்கம் மெல்ல மெல்ல அதிகரித்து வருகிறது. வளர்ந்த மாநிலங்களே இலக்கு: இந்தியாவில் பொருளாதாரத்தில் முதல் இடத்தில் உள்ள மாநிலமான மகாராஷ்டிரா  தான் கொரோனாவால் அதிகமாக பாதிக்கப்பட்டிருக்கிறது.  மராட்டியத்திற்கு அடுத்த பெரிய பொருளாதார மாநிலமான நம் தமிழகமும் 2வது அதிக தொற்றாளர்களை கொண்டிருக்கிறது. ஆறுதலளித்த நெல்லை: தமிழ்நாட்டு நிலவரத்தின் படி அதிக தொற்றாளர்களை கொண்டு சென்னை மாநகரம் முதலிடத்தில் இருக்கிறது. கடந்த மார்ச் 22ம் தேதி முதல் பாதிப்பை கண்டறிந்த நம் நெல்லையில் தொற்று எண்ணிக்கை படிப்படியாக உயர்ந்து வந்தது. ஆனால் எண்ணிக்கை 63ஐ தாண்டிய போது நோய் அடியோடு கட்டுப்படுத்தப்பட்டது. அப்போது 95% பேர் குணமடைந்து வீடு திரும்பியிருந்தனர். நெல்லை மக்களின் ஒத்துழைப்பும், மாவட்ட நிர்வாகத்தின் அதிரடியான நடவடிக்கைகளும் இதற்கு கைகொடுத்தன. திரும்புவோரால் திணறல்: ஆனால், சமீப காலமாக நெல்லையின் கொரோனா எண்

  வீரத்திற்கு பெயர்போன நெல்லைச் சீமை பல மன்னர்கள் ஆண்ட பாரம்பரிய பூமி. அப்படிபட்ட நெல்லை சீமையின் தற்போதைய கம்பீர அடையாளமாக வாழ்ந்துவந்தவர் சிங்கம்பட்டி ஜமீன்தார் திரு. முருகதாஸ் தீர்த்தபதி. இந்தியாவில் மிக இளவயதில் (மூன்றரை வயதில்) ஜமீன்தாரான இவர், தற்போது தென்னிந்தியாவின் கடைசி ஜமீன்தாராக வாழ்ந்து மறைந்திருக்கிறார்.  செழிப்பான சிங்கம்பட்டி ஜமீன்: சிங்கம்பட்டி ஜமீன் என்பது நெல்லை மாவட்டத்தின் செழிப்புமிக்க பகுதியாக விளங்கும் பாபநாசம், அம்பாசமுத்திரம் வட்டாரத்தை உள்ளடக்கிய ஒரு குறுநிலப்பகுதி. தாமிரபரணி நதியின் பிறப்பிடமான பொதிகை மலை இந்த ஜமீனுக்குள் தான் அமைந்திருந்தது. இந்த பகுதியை ஆயிரமாண்டு பாரம்பரியம் கொண்ட சிங்கம்பட்டி ராஜ வம்சத்தினர் தலைமுறை தலைமுறையாக ஆண்டு வந்துள்ளனர். கால மாற்றத்தால் கொண்டுவரப்பட்ட ஜமீன்தாரி ஒழிப்புச் சட்டத்தால் சிங்கம்பட்டி ஜமீன் ஆளும் அதிகாரத்தை இழந்தது. எனினும் அச்சட்டம் நடைமுறைக்கு வருவதற்கு முன்பே முருகதாஸ் சிங்கம்பட்டி ஜமீனுக்கு ராஜாவாக  முடிசூட்டப்பட்டார். ராஜா தீர்த்தபதி : T.M.S திர்த்தபதி என்றழைக்கப்படும் முருகதாஸ் ஆங