கருணாநிதியின் வாழ்க்கை, முழுக்க முழுக்க சென்னையை மையப்படுத்தியே அமைந்திருந்தாலும் திருநெல்வேலியோடு அவர் கொண்டிருந்த தொடர்பு மிக முக்கியமானது.
நெல்லையை புண்ணிய பூமியாக்கிய கலைஞர்:
இந்தி எதிர்ப்பு போராட்டம் கொழுந்துவிட்டு எரிந்து கொண்டிருந்த சமயம் கருணாநிதி கைது செய்யப்பட்டு பாளையங்கோட்டையில் தனிமைச் சிறையில் அடைக்கப்பட்டார். அவரை காண வந்த அண்ணா மிகவும் மனம் நெகிழ்ந்து "என் தம்பி கருணாநிதி அடைபட்டிருக்கும் இந்த இடம் நான் யாத்திரை மேற்கொள்ளவேண்டிய புண்ணிய பூமி" என்று அழைத்து பேசியது திமுகவின் வரலாற்று தருணமாகும். இந்நிகழ்வு அண்ணா-கலைஞர் இடையேயான ஆழ்ந்த நட்பை தமிழ்நாட்டுக்கு அறிவித்தது.
"நெஞ்சினிக்கும் நெல்லை"!
திமுகவின் நிறுவனர் அண்ணாவின் பிறந்த நாள் விழா சென்னையில் நடந்து வந்ததே வாடிக்கையாக இருந்த நிலையில் முதன் முறையாக சென்னைக்கு வெளியே நம் நெல்லையில் நடத்திக் காட்டினார் நெல்லை மாவட்டக்காரர் வைகோ. அவரின் அழைப்பால் நெல்லை வந்த கருணாநிதி தொண்டர்படை அணிவகுப்பை கண்டு அசந்துபோய் விட்டாராம். பின்னர் இந்நிகழ்வை பற்றி "நெஞ்சினிக்கும் நெல்லை" என கட்டுரை எழுதினார்.
திமுகவைப் பிளந்த நெல்லைக் காரர்.
திமுகவை பிளவுபடுத்தியவர்களுள் முக்கியமானவர்கள் இருவர். ஒருவர் மிகப்பெரிய நடிகர் எம்.ஜி.ஆர். மற்றொருவர் நெல்லையில் கல்வி பயின்ற பேச்சாளர் வைகோ.!
எம்.ஜி.ஆரைக் காட்டிலும் திமுகவை செங்குத்தாக பிளந்தவர் நம் நெல்லைக்காரர் வைகோ தான் என்பது அரசியல் விமர்சகர்களின் கூற்று.
நவீன நெல்லையின் வடிவமைப்பாளர்.
நெல்லையப்பர் கோவிலும் தாமிரபரணியுமே நெல்லையின் அடையாளமாக இருந்து வந்த நிலையில் அதை மாற்றும் வகையில் இந்தியாவின் முதல் ஈரடுக்கு பாலத்தை நம் நெல்லையில் அமைத்தார் கலைஞர்.
அதற்கு திருவள்ளுவர் பெயரை சூட்டியது அவரின் நுண்ணரசியலுக்கு ஒரு எடுத்துக்காட்டு.
அதுமட்டுமல்ல, மனோண்மணியம் பல்கலைக்கழகம், வடக்கு-தெற்கு பைபாஸ் சாலை திட்டம் முதலியவற்றையும் அவரே கொண்டுவந்தார்.
1998 ல் மாபெரும் சமூக பதற்ற நிலை நம் நெல்லையில் நிலவிய போது "நெல்லை-பெருந்தொல்லை" என விமர்சித்தவர் பின்னர் கமிட்டி அமைத்து ஆய்வு செயது கங்கைகொண்டான்,நாங்குநேரி SEZ., எல்காட் ஐடி பூங்கா முதலியவற்றை நெல்லைக்கு கொண்டுவந்தார். இப்படி பல திட்டங்களை ஒரு முதல்வராக நம் நெல்லைக்கு பரிசளித்துள்ளார் கருணாநிதி. அவரின் பங்களிப்பை நெல்லை என்றும் மறவாது.!
Comments
Post a Comment