உருப்படியான ஸ்மார்ட் சிட்டி திட்டம்:
இந்த ஐந்தாண்டு கால பாஜக ஆட்சியில் நம் நெல்லைக்கு கிடைத்த சிறந்த திட்டமென்றால் ஸ்மார்ட் சிட்டி திட்டம் தான். முன்னால் முதல்வர் ஜெயலலிதா கொடுத்த நெருக்கடியால் நம் திருநெல்வேலியையும் அத்திட்டத்தில் ஒன்றிய அரசு சேர்த்துக் கொண்டது. அதனால் பல உட்கட்டமைப்பு வசதிகள் நம்மூரில் நடந்து வருகின்றன.
நவீனமாகும் ஜங்ஷன்:
ஸ்மார்ட் சிட்டி திட்டத்தின் கீழ் நம் ஜங்ஷன் பஸ் நிலையம் 78 கோடி ரூபாயில் நவீனமாகி வருகிறது.
மேலும் அம்ருத் என்னும் திட்டத்தின் கீழ் நம் நெல்லையில் பல இடங்களில் பூங்காக்கள் ஏற்ப்படுத்தப்பட்டுள்ளன.
மற்றவை:
இவைத்தவிர
1. செங்கோட்டை-புனலூர் வழித்தடத்தில் பாலக்காடு-நெல்லை புதிய ரயில்.
2. நெல்லை- தாம்பரம் புதிய எக்ஸ்பிரஸ்.
3. மதுரை-தூத்துக்குடி தொழில் வழித்தடம் நெல்லை வரை நீட்டிப்பு.
4. ஒன்றிய அரசின் பங்களிப்புடன் கட்டப்பட்டு சமீபத்தில் திறக்கப்பட்ட பல்நோக்கு மருத்துவமனை.
குறைகள்:
மேற்கண்ட நிறைகள் நெல்லை மக்களுக்கு மகிழ்ச்சி அளித்தாலும் குறைகளும் இல்லாமல் இல்லை.
1. காலங்காலமாக இருந்து வரும் நெல்லை தனி ரயில்வே கோட்ட கோரிக்கை மோடி ஆட்சியிலும் நிறைவேறவில்லை.
2. தென்னிந்தியாவின் ஆக்ஸ்போர்டான நெல்லையில் ஐஐடி (அ) எம்ஐடி அமைக்க வேண்டும் என்ற கல்வியாளர்களின் கோரிக்கையும் நிறைவேறவில்லை.
3. கயத்தாறில் நெல்லை விமான நிலையத்தை அமைக்கும் முயற்சியும் செயல்வடிவம் பெறவில்லை.
4. நம் தாமிரபரணியை தூய்மை படுத்தி நீர்வழிப் போக்குவத்தை துவக்கும் முயற்சியும் செயல்படுத்தப்படவில்லை.
5. மேலும் சமீபத்தில் நடந்த முதலீட்டாளர் மாநாட்டில் அமைச்சர் நிர்மலா முன்மொழிந்த ராணுவ தளவாட சாலையில் நெல்லை நாங்குநேரி சிறப்பு பொருளாதார மண்டலம் புறக்கணிக்கப்பட்டது.
விடிவு காலம் வருமா?
வருகின்ற நாடாளுமன்ற தேர்தலில் நம் நெல்லை தொகுதியில் முக்கிய புள்ளிகள் பலரும் களமிறங்க காத்திருக்கின்றனர். பாஜக சார்பில் நயினார் நாகேந்திரன் களமிறங்குவார் என செய்திகள் வருகின்றன. காங். சார்பில் பீட்டர் அல்போன்ஸ் களமிறக்கப்படலாம். மேற்கண்ட வேட்பாளர்கள் மக்கள் பணிகளில் திறமையாளர்கள் என்பதால் நம் நெல்லையின் கோரிக்கைகள் வரும் காலங்களில் நிறைவேறுமா என்பதை பொறுத்திருந்து பார்ப்போம்.
Comments
Post a Comment