நெல்லை ஏன் ஸ்பெஷல் ...?

   

     நம் தமிழகம் பழமைக்கும் பாரம்பரியத்துக்கும்  பெயர்போன மாநிலம். அதற்கு சான்றாக நாம் பலவற்றை  சொல்லலாம். அனால் அவற்றுள் தனித்துவத்தோடு திகழ்வது ஒரு சில மட்டுமே. அந்த ஒரு சிலவற்றுள் ஒன்றுதான் நம் நெல்லை மாநகரம். தமிழகத்தில் பல நகரங்கள் இருக்க நம் நெல்லை மட்டும் ஏன் ஸ்பெஷல் ..? பார்ப்போம் வாருங்கள்...

நெல்லை :
    

திருநெல்வேலி, திருநவேலி  என்று தமிழர்களாலும் , தின்னெவெளி (TINNEVELLY) என்று ஆங்கிலேயர்களாலும்  அழைக்கப்படும் இந்நகரம் தமிழகத்தின் ஐந்தாவது பெரிய நகரம்.  தலைநகர் சென்னையிலிருந்து 625 கிலோமீட்டர் தொலைவில் அமைந்துள்ள இந்நகரம் வயல்வெளிகளையே  வேலியாக கொண்டதத்தால் இப்பெயர் பெற்றது.  சரி வரலாற விட்டுட்டு நம் நெல்லை ஏன் ஸ்பெஷல்ங்கிறத  பாப்போம்.

தாமிரபரணி:

தாமிரபரணி

     திருநெல்வேலிக்குனு எத்தனையோ பெருமைகள் இருந்தாலும் அத்தனை பெருமைகளுக்கும் காரணம் தாய் தாமிரபரணி தாங்க. பொதிகை மலைல பிறந்து நெல்லை தூத்துக்குடியை செழிக்க வைக்கிற தெய்வம். உலகத்தில் உள்ள எல்லா  நதிகளும் மக்களின் பாவத்தை போக்விட்டு, தன்  பாவத்தை தாமிரபரணியிடம் வந்து போக்கிக்கொள்வதாக புராணங்கள் கூறுகின்றன.  இந்த தண்ணியோட  ருசிக்கு எந்த தண்ணியும் ஈடாகாது. திருநெல்வேலி அல்வா தொடங்கி இம்மக்களோட வீரம்  வரைக்கும் இந்த தண்ணி தான் காரணம்.

திருநெல்வேலி அல்வா :

   

இருட்டுக்கடை , திருநெல்வேலி

திருநெல்வேலிக்கு பெருமை சேக்குற இன்னொரு விஷயம் அல்வா. உலகத்துல எத்தனையோ வகையில அல்வா இருக்கலாம். ஆனா திருநெல்வேலி அல்வா எல்லாத்தையும் தூக்கி சாப்ட்ரும். அதே போல திருநெல்வேலிலயும் எத்தனையோ  அல்வா கடைகள் இருக்குது. ஆனா நெல்லையப்பர் கோவில் வாசல்ல இருக்குற இருட்டுக்கடை அல்வா கடைக்கு இருக்குற மவுசு யாருக்கும் இல்லை. அந்த கடைல நூறு அல்வாவை வாங்கி நெல்லையப்பர் கோபுரத்தை பாத்துக்கிட்டே சாப்பிடும் சுகமே தனி...!

திருநெல்வேலி தமிழ் :

    தமிழகத்தில் பல வட்டார வழக்குகள் புழக்கத்தில் இருக்கின்றன. மதுரை, கோவை, சென்னை,  குமரி  என்று பல பகுதி மக்களால் அவைகள்  பேசப்படுகின்றன. அவைகளை விட நெல்லை, தூத்துக்குடி வட்டார பகுதிகளில் புழங்கும் தமிழ்  தனித்துவம் வாய்ந்தது. அண்ணாச்சி, மக்கா, தொடங்கி ஏல போன்ற சொற்கள் நெல்லை தமிழை முல்லைத் தமிழாக்குகின்றன. நெல்லைத்தமிழ் பேசுவோரின் வார்த்தைகளிலும், குணத்திலும் அன்பும் வீரமும் பொங்கி வழிவதை காண முடியும்.

OXFORD நகரம்:

     நெல்லை பாளையங்கோட்டை தென்னிதியாவின் 'OXFORD' என்று புகழப்படுகிறது. சுமார் 200 ஆண்டுகளுக்கு முன்பாகவே கல்விப்பணியில் தமிழகத்திலேயே சிறந்து விளங்கியது இந்நகரம். இன்றும் சாலை தோறும் கல்விச்சாலைகளை இங்கு காண முடியும். ஒரு நகரத்தில் பள்ளி கல்லூரிகள் இருப்பது இயல்பு. அனால் பள்ளி கல்லூரிகளுக்காகவே ஒரு நகரம் இருப்பது இங்கே நெல்லையில் தான்,..!

சுற்றுலா:

    

குற்றாலம்.

நெல்லை மாநகர, மாவட்ட மக்கள் கொடுத்து வைத்தவர்கள். ஏனென்றால், திருநெல்வேலி யில் இருந்து எந்த திசையில் சென்றாலும் வெறும் 50 கிலோ மீட்டர்  தூரத்தில் ஒரு  சுற்றுலா தளம் வந்துவிடும்.  உதாரணத்திற்கு , 
கிழக்கே - திருச்செந்தூர் .
மேற்கே - பாபநாசம்,குற்றாலம்.
தெற்கே - கன்னியாகுமரி (89 km).
வடக்கே - கழுகுமலை.
இப்படி சுற்றி சுற்றி சுற்றுலா தலங்களை கொண்டதாக விளங்குகிறது நெல்லை மாவட்டம்.

ஆன்மீக தலங்கள் :

    

குறுக்குத்துறை

புண்ணிய நதி தாமிரபரணி  பாயும் பூமி ஆதலால் புண்ணிய தலங்களுக்கு நெல்லை மாவட்டத்தில் பஞ்சமில்லை. நவ கைலாச கோவில்கள் நெல்லை மாவட்ட தாமிரபரணி கரையோரம் வரிசையாக  அமைந்திருக்கின்றன. அதுமட்டுமில்லாமல் நூற்றுக்கணக்கான பழம்பெரும் கோவில்கள், தொன்மையான கிருஸ்தவ தேவாலயங்கள், மசூதிகள் என்று ஆன்மீக மனம் நெல்லை பிராந்தியம் முழுவதும் வீசிக்கொன்டே இருக்கிறது. 

நீங்களே சொல்லுங்கள்...!

   இப்படி எத்தனையோ பெருமைகளுக்கு சொந்தக்காரர்கள் தான் திருநெல்வேலி மக்கள். இன்றும், உழைப்புக்கு பெயர் போனவர்கள், அன்புக்கு பாத்திரமானவர்கள் , ஆதரவு கரம் நீட்டுபவர்கள்  என்று தமிழகம் அவர்களை கொண்டாடுகிறது, பாராட்டுகிறது ..!

இப்போ சொல்லுங்க, திருநெல்வேலி ஸ்பெஷல் தானே.....?