அதற்கு சாட்சிகள் நிறைய இருக்கு.... வாங்க பார்க்கலாம்..
சாப்பாட்டுக்காவே பேமஸான ஊரு..!
நம்ம தமிழ்நாட்ல நிறைய ஊர்கள் பல விஷயங்களுக்கு பேமஸ்.
மதுரை - மல்லி
திண்டுக்கல் - பூட்டு
திருப்பூர் - பனியன்.
ஈரோடு - மஞ்சள்.
கோவை - கிரைண்டர்.
இப்படி எல்லா ஊர்களும் சாப்பாட்டை தவிர்த்து எல்லா விஷயங்களுக்கும் பேமஸ். ஆனா நம் திருநெல்வேலியோ சாப்பாட்டு விஷயத்துல மட்டும் தான் பேமஸ்..!
தித்திக்கும் திருநெல்வேலி:
நம்ம திருநெல்வேலிக்கு உலக லெவல் புகழை பெற்றுத் தந்தது அல்வா தான். இருட்டுக் கடை மட்டுமில்லாம லட்சுமி விலாஸ்,சந்திரா ஸ்வீட்ஸ்,சாந்தி ஸ்வீட்ஸ் ன்னு அல்வாவுக்கு பெயர்போன கடைகள் நம்மூர்ல நிறைய உண்டு.
தரமான நொறுக்குத் தீனிகள்:
தித்திக்கும் அல்வா திகட்டாமல் இருக்க காரம் வேணுமில்லையா... அதையும் விட்டுவைக்கல நம்மூரு காரங்க. மிச்சர்,பக்கோடா,முருக்குனு தரமா நொறுக்குதீனி தயாரிக்கும் நெல்லை ஸ்வீட் கடைகளுக்கு தமிழ்நாடெங்கும் பேன்ஸ் இருக்கிறார்கள்.
பார்டர் புரோட்டாவும், சங்கை பிரியாணியும்
திருநெல்வேலி மாநகரத்துல மட்டுமில்ல ஒட்டுமொத்த மாவட்டத்துலயும் இதே கதை தான். செங்கோட்டை பார்டர் கடை பரோட்டாவுக்கு அதில் முக்கியமான இடமுண்டு. அடுத்து சங்கரன்கோவில் சுல்தான் கடை பிரியாணி.. அப்படியே இந்த பக்கம் அம்பை அய்யர் கடை அல்வா, கல்லிடைக்குறிச்சி அப்பளம்,செட்டிக்குறிச்சி சேவு, திசையன்விளை கருப்பட்டி என லிஸ்ட் நீள்கிறது.
சாப்பாட்டு விஷயத்துல நம்ம கிங்.:
திண்பண்டங்களை தவிர்த்து விட்டு பார்த்தா இன்னொரு விஷயம் இருக்கு... அது சொதிக் குழம்பு சாப்பாடு.. ஆக இதுவும் சாப்பாடு ஐட்டம் தான்.. இப்படி திருநெல்வேலில எந்தப் பக்கம் போனாலும் சாப்பாடு விஷயத்துல நம்ம மக்கள் கிங்காக இருக்கிறார்கள்..
இதுல இருந்து என்ன தெரியுதுன்னா அந்த தம்பிக்கு மட்டுமில்ல நம்ம திருநெல்வேலி மக்களுக்கும் வாழ்கைல சாப்பாடு தான் ரொம்ப முக்கியம்.!
அப்டிதான..?😜
Comments
Post a Comment