நெல்லையிலிருந்து 140 கி.மீ தொலைவில் எய்ம்ஸ்.!

தமிழ்நாட்டின் முதல் எய்ம்ஸ் மருத்துவமனை நம் திருநெல்வேலியில் இருந்து 140 கி.மீ தொலைவில் அமையவுள்ளது. மதுரை மாவட்டம் திருமங்கலத்தை அடுத்துள்ள தோப்பூரில் எய்ம்ஸ் மருத்துவமனை அமைய இருப்பதாக இந்திய ஒன்றிய அரசு அறிவித்துள்ளது. இது தொடர்பில் தமிழ்நாட்டு அரசுக்கு கடிதமும் எழுதியுள்ளது.

பலன் என்ன.?

நாட்டின் முதன்மையான மருத்துவ நிறுவனமான எய்ம்ஸ் தன்னாட்சி பெற்ற மருத்துவ நிலையமாகும். உலகத் தரத்திலான மருத்துவ சிகிச்சைகள், ஆராய்ச்சிகள், கல்வி முதலியவற்றை இது வழங்குகிறது.

மதுரையில் எய்ம்ஸ் அமைந்தால் தென் தமிழக மக்களுக்கு உயர்தர மருத்துவ சிகிச்சைகள் எளிதில் கிடைக்கும்.

ஏற்கனவே, கல்வி,சுற்றுலா,விவசாயம் என முன்னணியில் உள்ள தென் தமிழக மாவட்டங்களை அடுத்த தளத்திற்கு எய்ம்ஸ் எடுத்துச் செல்லும்.

நெல்லையில் விரைவில் சூப்பர் ஸ்பெஷாலிட்டி மருத்துவமனையும் திறக்கப்பட உள்ளதால் தரமான மருத்துவ வலைப்பின்னலுக்குள் தென் மாவட்டங்கள் வந்துவிடும்.

இதன் மூலம் நெல்லை, மதுரை மாவட்டங்களில் மருத்துவ சுற்றுலா பெருகுவதற்கும் வாய்ப்பு ஏற்படும்.