ஸ்மார்ட் சிட்டி தரவரிசையில் திருநெல்வேலி 78வது இடத்தை பிடித்துள்ளது அதிர்ச்சியை ஏற்படுத்தியுள்ளது. நாடு முழுவதும் 100 நகரங்களை ஸ்மார்ட் சிட்டியாக்கும் முயற்சியில் இந்திய அரசு இறங்கி நான்கு ஆண்டுகள் ஆகிறது. இந்த திட்டத்திற்கு பல கோடி ரூபாய்களை அரசு ஒதுக்கியுள்ளது. இதில் தமிழ்நாட்டில் இருந்து 12 நகரங்கள் தேர்வு செய்யப்பட்டன. இந்த நகரங்களில் இதுவரை நடைபெற்ற பணிகளின் அடிப்படையில் ஒரு தரவரிசை பட்டியலை இந்திய அரசு வெளியிட்டுள்ளது. மொத்தம் 87 நகரங்கள் இந்த பட்டியலில் இடம் பெற்றுள்ளது. இதில் நம் திருநெல்வேலி 78 வது இடத்தில் உள்ளது.
திருநெல்வேலியில் ஸ்மார்ட் சிட்டி திட்டத்தின் கீழ் பல திட்டங்கள் தீட்டப்பட்டன.
தரமான சாலைகள், தாமிரபரணியை தூய்மைப்படுத்தும் திட்டம், புதிய பூங்காக்கள் ,நயினார்குளத்தில் படகு குழாம், பேருந்து நிலையங்கள் நவீனமயம், டவுண் ரதவீதிகள் சீரமைப்பு என பல திட்டங்கள் திட்டமிடப்பட்டன.
எனினும் பணிகள் வேமெடுக்காமல் மந்த கதியில் இருக்கிறது. இதனால் தரவரிசை பட்டியலில் நெல்லை மாநகரம் கடும் பின்னடைவை சந்தித்துள்ளது.
அதே நேரத்தில் நம் அண்டை நகரமான தூத்துக்குடி 80வது இடத்தில் உள்ளது குறிப்பிடத்தக்கது.
Comments
Post a Comment