ஜொலிக்கப்போகிறது ஜங்சன் பேருந்து நிலையம்.!

(படம் : இந்து தமிழ்)

நம் நெல்லை மாநகரின் தவிர்க்க முடியாத அடையாளமாகவும், நகரின் இதயமாகவும் விளங்குவது ஜங்சன் பேருந்து நிலையம். நெல்லை மக்களால் ஜங்சன் என்றும் பழைய பஸ்டாண்ட் என்றும் அழைக்கப்படும் இந்த பேருந்து நிலையத்திற்கு பகுத்தறிவுப் பேரொளி பெரியாரின் பெயரை மாநகராட்சி நிர்வாகம் சூட்டியுள்ளது. அறுபது ஆண்டுகளுக்கு மேலாக பயன்பாட்டில் இருந்து வரும் இந்த பேருந்து நிலையத்தை மேம்படுத்த வேண்டும் என்ற கோரிக்கை தற்போது நிறைவேற உள்ளது.

பொலிவுறு நகரங்கள் (Smart City) திட்டத்தின் கீழ் இந்த பணியை நம் மாநகராட்சி நிர்வாகம் செய்யவுள்ளது. இதற்காக டெண்டர் விடப்பட்டுள்ளது. இன்னும் ஒரு மாதத்தில் பணிகள் துவங்கும் எனவும் அதிரடியாக அறிவிக்கப்பட்டுள்ளது. அதுவரை வேறு இடத்தில் தற்காலிக பேருந்து நிலையம் திறக்கப்பட உள்ளது.

வசதிகள்:
79 கோடியில் இந்த திட்டம்செயல்படுத்தப்படுகிறது. வாகன நிறுத்துமிடம், நவீன கடைகள், நகரும் படிக்கட்டுகள், பேருந்து புறப்பாடு பற்றிய அறிவிப்பு வசதிகள், நவீன இருக்கைகள் என பல வசதிகள் வரவுள்ளதால் நம் ஜங்சன் தலைகீழாக மாறப்போகிறது. நவீன நெல்லையை காணத் தயாராவோம்.!