உண்மையிலேயே களைகட்டுகிறதா புஷ்கர விழா.?

கங்கை, யமுனைப் போல பனி சிகரங்கள் உருகுவதால் ஓடுவதல்ல நம் தாமிரபரணி. இயற்கையாய் வரும் மேகக்கூட்டங்களை பொதிகை மலை கவர்ந்திழுத்து மழையாய் பொழிய வைத்து அவை துளித்துளியாய் பெருகி பாய்வது தான் நம் தாமிரபரணி. நம்நாட்டில் பல நதிகள் பாய்ந்தாலும் தெய்வாம்சம் பொருந்திய நதிகள் 12 தான். அதில் நம் தாமிரபரணியும் ஒன்று. விருச்சிக ராசிக்கு உரிய நதியாக நம் நதி விளங்குவதால் 144 வருடங்களுக்கு ஒரு முறை நடக்கும் மகா புஷ்கரம் இப்போது இங்கு நடைபெறுகிறது.

ஆரம்பத்தில் அரசியல்:

விழா குறித்து செய்து பரவிய உடனேயே அதனை அரசியல் சூழ்ந்து கொண்டது. பல காரணங்களைக் காட்டி விழாவிற்கு தடை கோரினர் ஒரு தரப்பினர். ஆனால் பிரச்னை நீதிமன்ற படியேறி முடிவுக்கு வந்தது. ஒரு வழியாக விழாவும் தொடங்கியது. ஆரம்பத்தில் களையிழந்து காணப்பட்ட புஷ்கர விழா பின்னர் சூடுபிடித்தது. புஷ்கரத்தின் தீவிரத்தை நெல்லை மாவட்டம் பாபநாசத்தில் தான் காண முடிகிறது. தினந்தோறும் பல லட்சம் மக்கள் அங்கு குவிந்து நீராடுகிறார்கள். அதுதவிர அம்பை,கல்லிடை, வீரை, சேரை, கல்லூர்,சுத்தமல்லி,நெல்லை,அருகங்குளம் போன்ற தீர்த்தகட்டங்களில் ஆயிரக்கணக்கான மக்கள் நீராடி வருகின்றனர்.

மக்கள் திருவிழா:

பல்வேறு அரசியல் காரணங்களால் பிரச்னைக்கு உள்ளான புஷ்கர விழாவை தமிழ்நாட்டு தாமிரபரணி சொந்தங்கள் பெரும் திருவிழாவாக மாற்றியுள்ளனர். மகா புஷ்கரம் மக்கள் திருவிழாவாக மாறியுள்ளதால் நெல்லை மண் எங்கும் ஆன்மிக மணம் வீசுகிறது. இயற்கையை கொண்டாடுகிறது நெல்லை பிராந்தியம்! வாழட்டும் தாமிரபரணி.!
வாழ்வோம் நாமும்.!

Comments

நெல்லையில் அமையுமா ஐஐடி , என்ஐடி.?

தென்னிந்தியாவின் ஆக்ஸ்போர்டு என்ற பெருமை நம் திருநெல்வேலிக்கு உண்டு. நெல்லையின் பாளையங்கோட்டை கல்லூரி,பள்ளிகளுக்காகவே உருவாக்கப்பட்ட ஒரு நகரம். தென்தமிழகம் இன்று அடைந்திருக்கும் கல்வி வளர்ச்சியில் பாளையங்கோட்டைக்கு மிக முக்கிய பங்கு உண்டு. நெல்லையின் பட்டதாரிகள் இன்று உலகம் முழுதும் செல்வாக்கு மிக்க இடத்தில் அமர்ந்துள்ளனர். சில ஆண்டுகள் முன்பு வரை அறவே தொழில் வளர்ச்சி இல்லாத நிலை நெல்லையில் தற்போது மாறிவருகிறது. அருகே தூத்துக்குடி மிதமான தொழில் வளர்ச்சியை கண்டு வருகிறது. நெல்லையிலும் தொழில் துறை அரும்பத் தொடங்கியுள்ளது. இதற்கு ஏற்ப உட்கட்டமைப்பு,மனிதவளம் உள்ளிட்டவையும் நம்மிடம் சிறந்த வகையில் உள்ளது. தேவை ஐஐடி, என்ஐடி: கல்வி ரீதியில் பல்கலைக்கழகம், கல்லூரிகள் பல திருநெல்வேலியில் அமைந்திருந்தாலும் இந்திய அரசின் கல்வி நிறுவனம் நெல்லையில் இல்லாதது பெரும் குறையாக உள்ளது. இதனால் தென் மாவட்டங்களில் வசிக்கும் லட்சக்கணக்கான மாணவர்கள் உள்ளூரில் தரம் வாய்ந்த கல்வி கிடைக்காமல் சிரமப்படுகின்றனர். அதுவும் தென்னிந்தியாவின் ஆக்ஸ்போர்டு நகரில் ஒரு இந்திய அரசு கல்வி நிறுவனமும் இல்லாதது

நெல்லையில் ஆசியாவின் மிகப்பெரிய பிள்ளையார் கோவில்.!

நாளை விநாயகர் சதுர்த்தி விழா கொண்டாடப்படவுள்ளது. பலருக்கு நண்பராக, கடவுளாக விளங்குபவர் விநாயகர். இன்னும் சிங்கிளாக விளங்குவது அவரது தனிச்சிறப்பு. அப்படிப்பட்ட விநாயகருக்கு நம் நெல்லையில் ராஜாகோபுரத்துடன் கூடிய தனிக் கோவில் கம்பீரமாக இருப்பது உங்களுக்கு தெரியுமா.? தாமிரபரணி நதிக் கரையோரத்தில் மணிமூர்த்தீஸ்வரம் என்னும் இடத்தில் அழகிய கோவில் ஆனைமுகனுக்கு அமைந்துள்ளது. பிள்ளையாருக்கு என்று பிரத்யேகமாக பல கோவில்கள் இருந்தாலும், ஆசியாவிலேயே பெரிய பிள்ளையார் கோவில் என்ற பெருமை நம் நெல்லை. மணிமூர்த்தீஸ்வரம் கோவிலுக்கே உண்டு. பிள்ளையார்பட்டியில் கூட துணைக் கடவுளாக மட்டுமே அருள்பாலிக்கும் விநாயகர் நம் நெல்லையில் மூலவராக அருள்பாலிக்கிறார். இந்த விநாயகரின் மற்றொரு சிறப்பு என்னவென்றால், நம்ம ஊரு விநாயகர் கமிட்டெட் ஆன விநாயகராக இங்கு வீற்றிருக்கிறார். ஆம், விக்னேஷ்வரி என்ற பெண் தெய்வத்தோடு இங்கு அருள்பாளிக்கிறார் நம்மூரு உச்சிஷ்ட்ட விநாயகர். நாளை விநாயகர் சதுர்த்தி என்பதால், விழாக் கோலம் பூண்டுள்ளது இக்கோவில். வடக்கு பைபாஸ் சாலையில் இருந்து இக்கோவிலுக்கு சாலை வசதி உண்டு.! விநாயகர் சதுர்த்த

உலக நாகரிகத்தின் தொட்டில்: நெல்லை ஆதிச்சநல்லூர்

நாம் படிக்கின்ற காலத்தில் இந்தியாவின் மிகப்பழமையான நாகரீகம் சிந்து சமவெளி நாகரீகம் என்றே நம் வரலாற்று புத்தகங்களில் எழுதப்பட்டு இருந்தது. ஆனால், உண்மையில் சிந்து சமவெளி நாகரீகத்திற்கு முன்பே நம் நெல்லை தாமிரபரணி கரையோரத்தில் மிகச் செழிப்பான நாகரிகம் இருந்துள்ளது. 4000 ஆண்டுகளுக்கு முந்திய நாகரீகம். நம் தாமிரபரணி கரையோரப்பகுதி இப்போது போலவே அந்த காலங்களிலும் மிகச் செழிப்பாக இருந்துள்ளது. பாபநாசம் தொடங்கி புன்னைக்காயல் வரை உயர்ந்த நாகரீகத்தை பின்பற்றி நம் மக்கள் வாழ்ந்து வந்துள்ளனர். ஆதியில் தோன்றிய ஆதிச்சநல்லூர்: நம் நெல்லையில் இருந்து பதினெட்டே கி.மீ தொலைவில் தான் ஆதிச்சநல்லூர் அமைந்துள்ளது. ஆங்கிலேயர்கள் ஆட்சி இங்கே நடந்து கொண்டிருந்த சமயத்தில் அலெக்ஸாண்டர் என்ற தொல்பொருள் ஆய்வாளர் அகழாய்வை மேற்கொண்டார். அதில் அவருக்கு பல ஆச்சரியங்கள் காத்திருந்தது. ஆம், உலகிலேயே மிகப் பெரிய இடுகாடு ஒன்று அங்கே இருப்பதைக் கண்டு அசந்துபோனார். சுமார் 110 ஏக்கரில் அது அமைந்திருக்கிறது. இடுகாடே இத்தனை பெரியதாக இருந்தால் அங்கே மிகப் பெரிய நகரம் ஒன்றும் இருந்திருக்கும் என அறிவித்தார் அந்த

Glorious Nellai

Search This Blog