திருநெல்வேலி தீரனுக்கு இன்று நினைவு நாள்.

ராஜஸ்தான் கொள்ளையர்களை விரட்டிப் பிடிக்கும் சண்டையில் சக காவலரால் சுடப்பட்டு வீரமரணம் அடைந்த திரு. பெரியபாண்டியனுக்கு இன்று முதலாம் ஆண்டு நினைவு நாள். அந்த திருநெல்வேலி தீரனுக்கு தமிழகமே இன்று நினைவஞ்சலி செலுத்துகிறது.

இந்நாளில் அவரைப் பற்றிய நினைவலைகளில் சில:

சிரித்த முகத்துக்காரர்: 

கடினமான காவல் துறையில் பணியாற்றிய போதும்
வீரமரணம் அடைந்த பெரியபாண்டியன் எல்லோரிடமும்  சிரித்த முகத்துடனே பழகுவாராம்.

உழைப்பால் உயர்ந்த காவலர்:

காவல் துறையின் மீது பெரும் ஈடுபாட்டை கொண்டிருந்த பெரியபாண்டியன், தனது கடின உழைப்பால் தமிழக காவல் துறைக்குள் நுழைந்துள்ளார். அர்ப்பணிப்புள்ள பணியை அவர் மேற்கொண்டதால் உயர் பதவியும் தேடி வந்தது.

சொந்த ஊர்க் காதலர்:

வேலை காரணமாக சென்னையில் குடியேறினாலும், தன்னை ஆளாக்கிய சொந்த ஊரான சாலைப்புதூரை அவர் மறக்கவில்லை. தனக்கு சொந்தமான 20 சென்ட் நிலத்தை தானமாக வழங்கி அங்கே அரசு பள்ளி வரச்செய்தார்.

எதிர்ப்பாரா மரணம்:

ஆனால் யாரும் எதிர்ப்பாரா வகையில் ராஜஸ்தான் கொள்ளையர்களை பிடிக்கும் வேட்டையில் சக காவலரின் குண்டு பாய்ந்து வீர மரணத்தை தழுவினார்.

நெல்லை போராளிகளில் ஒருவர்:

நாட்டைக் காக்க தீரத்துடன் போராடிய நெல்லை வீரர்களின் பட்டியல் நீளமானது. அப்பட்டியலில் திரு. பெரியபாண்டியனின் பெயருக்கும் தனி இடமுண்டு.!