திருநெல்வேலியிடம் தோற்றுப்போன அக்னிநட்சத்திரம்.!

தமிழ்நாட்டு நிலப்பரப்பை வாட்டி வதைத்து வந்த அக்னி நட்சத்திரம் இன்றோடு முடிவடைய உள்ளது. சித்திரை மாதத்தின் உட்சபட்ச வெப்பம் இந்த காலக்கட்டத்தில் நிகழும். ஆனால், நம் திருநெல்வேலியை பொறுத்த அளவில் இந்த அக்னி நட்சத்திரம் பொதுவாக எடுபடுவதில்லை. அக்னி நட்சத்திரம் துவங்கிய நாள் முதல் நெல்லையில் வானம் மேகமூட்டத்துடனே காணப்பட்டது. சில நாட்களில் மழையும் பெய்தது. சென்ற ஆண்டும் இதே போன்ற நிலையே நீடித்தது. இதை வைத்து நெல்லை மீம்ஸ் கிரியேட்டர்கள் மீம்ஸ் போட்டதும் உங்களுக்கு நினைவிருக்கலாம். அக்னி நட்சத்திரம் தொடங்கும் போது பிற ஊர் மக்கள் அய்யய்யோ என்ற போதும் நம் நெல்லை அரண்டது கிடையாது. அதேப் போல அது முடிவடையும் போதும் அப்பாடா என்று சொல்லும் வழக்கமும் நம் நெல்லையின் அகராதியில் கிடையாது. அது தான் நெல்லை.!