நெல்லையில் எய்ம்ஸ்க்கு நிகரான மருத்துவமனை.!

நெல்லை-திருச்செந்தூர் சாலையில் சட்டக்கல்லூரி அருகே கட்டப்பட்டு வரும் நெல்லை சூப்பர் ஸ்பெஷாலிட்டி மருத்துவமனை வரும் ஜனவரியில் திறக்கப்பட வாய்ப்புள்ளது.

மூன்றில் ஒன்று நெல்லையில்:

தமிழகத்தில் மூன்று இடங்களில் பன்னோக்கு சிறப்பு மருத்துவமனையை அமைக்க தமிழ்நாடு அரசு முடிவெடுத்தது. நம் நெல்லையோடு சேர்த்து மதுரை மற்றும் தஞ்சையிலும் இந்த மருத்துவமனைகள் அமைகிறது.

எய்ம்ஸ்-க்கு நிகரான வசதிகள்:

நம் நெல்லையில் அமையவுள்ள பல்நோக்கு மருத்துவமனையை தமிழக அரசின் எய்ம்ஸ் என வர்ணிக்கலாம். கிட்டத்தட்ட எய்ம்ஸ் அளவுக்கான நவீன சிகிச்சை முறைகள் இந்த மருத்துவமனையில் வழங்கப்படும் என தமிழக அரசு தகவல் அளித்துள்ளது.

நெல்லை மருத்துவமனையின் சிறப்பு:

நம் நெல்லையை பொறுத்தவரை மாவட்டத்தின் மிகப் பெரிய மருத்துவமனையாக திகழ்வது மேட்டுதிடல் மருத்துவமனை தான். 1958 ல் காமராஜரால் துவங்கப்பட்ட இந்த மருத்துவமனை 1964ல் மருத்துவக்கல்லூரி மருத்துவமனையாக தரம் உயர்ந்தது. இந்தியாவில் அதிக நிலப்பரப்பில் அமைந்துள்ள மருத்துவமனைகளுள் நம் நெல்லை மருத்துவமனையும் ஒன்று.

வரவிருக்கும் வசதிகள்:

நெல்லை ஹைகிரவுண்ட் மருத்துவமனையின் கிழக்குப் பகுதியில் அமைந்து வரும் இந்த சூப்பர்ஸ்பெஷாலிட்டி மருத்துவமனையில் பல்வேறு அதிநவீன மருத்துவத் துறைகள் ஏற்படுத்தப்பட உள்ளன.

1.ஏழு மாடியில் மூன்று பகுதிக் கட்டிடங்களுடன் இந்த மருத்துவமனை பிரம்மாண்டமாக கட்டப்பட்டுள்ளது.

2. 7 அதிநவீன அறுவை சிகிச்சை அறைகள் உட்பட 330 படுக்கை வசதிகளுடன் மருத்துவமனை அமைகிறது.

3.பல்வேறு துறை சார்ந்த மருத்துவ நிபுணர்கள் உள்ளடங்கிய 450 மருத்துவ பணியாளர்கள் சேவை செய்ய உள்ளனர்.

4.சிறிதும் பெரிதுமாக 13 துறைகளில் அதிநவீன சிகிச்சை பெறும் வசதிகள் இடம்பெறுகிறது.

5. இதன் மூலம் பல நோய்களுக்கு நாம் சென்னை,மதுரைக்கு செல்லும் நிலை தவிர்க்கப்படும்.

விரைவில் செயல்பாட்டுக்கு வரவுள்ள இந்த மருத்துவமனையால் நம் நெல்லை தென் தமிழகத்தின் மருத்துவ தலைநகரமாக மாறும் வாய்ப்பு ஏற்ப்பட்டுள்ளது.

மதுரையில் ஏய்ம்ஸ் மருத்துவமனையும் விரைவில் வரவுள்ளதால் தென்தமிழகத்தின் மருத்துவ நகரங்களாக மதுரையும் நெல்லையும் உருவெடுக்கும் நாள் வெகு தூரத்தில் இல்லை.!